تعويزة الجزء الثالث

صحيت هدير علي الفجر وحضرت حاجاتها ولبست ووقفت تاكسي عشان تروح اسكندريه قالت لسواق التاكسي وديني اسكندريه وهدفعلك اللي انت عايزه بس وديني قالها ماشي هوديكي بس هاخد 100جنيه قالتله ماشي ركبت ووصلها واداته 100جنيه ومشيت لما وصلت اسكندريه كانت الساعه 9الصبح سالت واحده ماشيه في الشارع اقرب مكتبه فين قالتلها علي ناصيه الشارع شكرتها هدير ومشيت وراحت المكتبه سالت الراجل انا عايزه كتاب لفك التعاويذ وصرفها التعاويذ قالها حظك حلو اخر كتاب عند راجل استعاره مني وهيجبهولي بكره قالتله هدير انا مش هقدر استني لحد بكره قالها طب بصي انا هديكي الورقه دي فيها عنوان الراجل ده بس خلي بالك ان الراجل ده غريب اوي قالتله هدير ليه قالها ناس بتقول عليه دجال والناس كلها بتخاف منه هدير خافت و طلعت بره وفكرت شويه وقررت انها هتروح .. وراحت عنوان الدجال ده وقالت لنفسها انا كده كده هموت مش فارقه هموت ازاي بقي خبطت علي باب بيت الدجال بس الغريب انها لقيت الباب كان مفتوح هي قالت لنفسها انا هدخل لما دخلت ما لقتش حد بس لقت نور اوضه كده مفتوح دخلت لقت الدجال قالها اقعدي انتي هدير قالتله اه قالها طب يابنتي انا هعملك التعويذه اللي تخلصك من الي بيطاردك قالتله ماشي بس ازاي قالها هتعرفي قفل النور وقعد يقول كلام غريب هدير مكانتش فاهمه منه اي حاجه هب لبم شمبلوم معبوث لشوف -وهدير كل شوية تخاف اكتر ودجال يقولها ده جي اوعي تخافي وفجاه لقت ناس غريبه وقفه قدمها وبتقول كلام غريب وهي واقفه في دائرة وحواليها ناس غريبه ونقط دم بتنزل عليها وهي تصوت وتقول فين الدجال ولقته مرمي علي الارض والناس الغريبه ماسكين الدجال وقعدين بيمصوا دمه وهي بتصوت ومره وحده ظهر الشخص الغريب وقالها الدور عليكي لو حاولتي تخلصي مني هخليكي تتمني الموت ومش هتلاقيه مش هموتك علطول زي رحاب وهافضل اطاردك لحد ما انا ازهق وهي تصوت وفجاءه غمضت عنيها وفتحتها مالقتش حاجه ولقت الدجال مرمي علي الارض وميت بنفس طريقه رحاب هي بتاخد نفسها بصعوبه وفي قطط سوده شكلها غريب قعده حواليه وقط اسود كبير جه علي الدجال ومص دمه راحت هي فتحت الباب وخرجت وهي منهاره من العياط وقعدت تقول انا لازم ارجع لخديجه قبل ما تموت هي كمان بس حتي لو انا معاها ممكن يموتوها .. ومشيت هدير وهي مش عارفه هتعمل ايه بالظبط ...